My Last Entry For 2010 Is For You

Para kay hubbee,

Ang taong 2010 ay ang unang buong taon nating magkasama. 365 na araw na halos magkadikit ang mga mukha natin kaya tuloy napagkakamalan tayong magkamukha na. Pero alam naman nating di totoo yun. Ang mukha mo'y habaan at maputi, ako nama'y bilugan at kayumanggi. Ang katawan mo'y manipis, ang katawan ko'y makapal. Hehe.

Pero 365 days mo akong tinyaga, inasikaso, nilutuan nang masasarap na pagkain kaya lumobo ako nang ganito. 365 days mong sinalo lahat nang matatamis, malalambing at mga OA kong gestures. 365 days tayong halos walang sawang nagkilitian sa kama at tumawa bago matulog at paggising. 365 days mo akong minahal. Isang taong puno nang pagmamahalan.

Ano pa nga ba ang mahihiling ko. Kasama kita sa lahat nang lakwatsa. Kasama kita sa lahat nang lungkot at saya. Sa pag-explore natin sa iba't ibang supermarket, sa paggupit ko nang buhok mo, sa pagtitiis mo sa katamaran ko, sa paglalaba at pagpa-plantsa nang mga damit ko, sa pagpuri sa akin pag maganda ang porma ko o maayos ang buhok ko, sa pagpa-panic buying natin nang mga pirated DVD sa Ruins, sa panonood natin nang mga movies sa mga malls

At higit sa lahat, sa 12 provinces na nilakbay natin ngayong taon na ito.

Sa tulad kong sawain, masaya akong hindi ako nagsawa. Sa halip, lubos akong masaya. OA na nga tayo minsan. Lumagpas lang ang 12 hours na di natin nakikita ang isa't isa, nami-miss na natin ang each other. Akala mo di magkasama sa bahay. Andaming alaala nitong taon. Mga bagyong dumaan, mga problemang sinapit natin at pareho nating sinuong, pero lahat memorable. Lahat talagang ang sarap alalahanin.

Kung may ipagpapasalamat ako sa Diyos sa taong 2010 ko, ikaw pa rin ang una sa listahan. Ikaw ang nandiyan sa tabi ko sa lahat nang nangyari sa akin sa taong ito. Masaya ako. Walang pagsisisi. At lubos kong ipinagdarasal na mas lalong magiging matibay ang relasyon natin sa darating na taong 2011. Madami pa tayong lalakbaying lugar na magkasama. Marami pa tayong mga taong makikilala.

At madami pa ring lalakeng pilit na sisira sa relasyon natin para makuha lang tayo. Yuck! Ang gwapo natin? Haha.

Para sa'yo hubbee, maraming maraming salamat. Sana huwag kang magsasawa sa akin. Aminado naman akong tamad ako, walang alam sa bahay, pinupuno ko na lang sa paglalambing. Enjoy ka naman dun di ba! Hehe.

Happy New Year hubbee...

Happy New Year to us!!!